நீ இருந்தால் என்னோடு
நினைப்பது நிறைவேறும் நீ இருந்தால் என்னோடு,
நடப்பது நலமாகும் நான் இருந்தால் உன்னோடு ,
இருவரும் சேர்ந்திருப்போமே என்றும் அன்போடு,
இன்றுபோல் என்றும் வாழ்ந்திடுவோம் பண்போடு!
ஒருவரின் இதயத்தில் ஒருவர் குடியிருந்தால்
ஒருவரில் இருவரையும், ஓருடலாய் கண்டிடலாம்
கண்களின் பார்வையாலே உன்னை கண்டிடலாம் ,
இருவிழி நேசத்தாலே உன்னை அறிந்திடலாம் !
தனிமை உனக்கேது, தாங்கும் இதயம் எனக்கேது,
தனிமையில் என்றும் நாம் இனிமை காண முடியாது,
உலகத்தை மறந்து, உறவு சொல்லி விளையாடு,
உள்ளத்தை அறிந்து எனக்காக வாழ்ந்திடு!
காதல் கவிபாடு, காலமெல்லாம் விளையாடு ,
காதல் ஒன்றே காதலர்களின் வழிபாடு
மனதை பறிகொடுத்தபின் வாழ முடியாது
உன்னை என் நினைவில் இருந்து மாற்ற முடியாது !
உன் இருவிழிகளின் நேசம், அதுவே காதல் தேசம்
அதுவே நான் சரண் புக தேடும் காதல் தேசம்
நினைப்பது நிறைவேறும் நீ இருந்தால் என்னோடு,
நடப்பது நலமாகும் நான் இருந்தால் உன்னோடு !
ரா.பார்த்தசாரதி
கருத்துகள் இல்லை:
கருத்துரையிடுக