சுதந்திரம் எங்கே
எழுபத்தொன்று ஆண்டுகள் சுதந்திர காற்றை சுவாசிக்கின்றோம்
பெயரளவில் வளர்ச்சியிணை கண்துடைப்பாக காட்டுகின்றோம்
முக்கிய திட்டங்களுக்கு அரசாங்கம், முன்னுரிமை கொடுப்பதில்லை
நதிநீர் இணைப்பும், விவசாயிகளின் குறைகள் தீர்க்கப்படவில்லை !
இன்று சுதந்திர நாட்டின் நிலைமை என்ன நினைக்கத்தோன்றுதே
அண்டை மாநிலங்களே உதவி அளிக்க மறுக்கிறதே
ஜாதி, மத பிரிவினையால் எல்லா திட்டங்களும் முடக்கப்படுகிறதே
அரசியல் தலைவர்கள் ஒற்றுமை விலகி, பிளவு ஏற்படுகின்றதே !
அன்றைய அரசியல் தலைவர்கள் நாட்டிற்காக பாடுபட்டனரே
இன்றைய அரசியல் தலைவர்கள் தனக்காக பாடுபடுகின்றனரே
லஞ்சமும், தீவிரவாதமும் எங்கும் தலைவிரித்து ஆடுகின்றதே
கோடி, கோடியாக பணம் மந்திரிகள் கைகளில் புழங்குகிறதே !
இன்று சுதந்திரமாக எதிர்க்கவோ, எழுதவோ துணிவு இல்லை
பத்திரிகைகளும், இலைமறை,காய்மறைவாய் வெளிப்படுத்துதே
பத்திரிகை சுதந்திரமும், அரசியல் ஆதிக்கத்தால் ஒடுக்கப்படுகிறதே
அரசியல் செல்வாக்கால் எல்லாவற்றையும் அடிபணிய வைக்கிறதே !
சுதந்திரத்திற்காக தன் உயிரையும் தியாகம் செய்தனர் அன்று
சுதந்திரமாக கோடிகணக்கில் பணம் கொள்ளையயடிக்கின்றனர் இன்று
நெஞ்சு பொறுக்கவில்லையே இந்த நிலை கெட்ட அரசியல் அராஜகம்
மக்களே ! இன்றே எழுமின் கடைசி வரை போராடி எதிர்த்து வெல்விர்!
சுதந்திர நாட்டில், சுதந்திரம் எங்கே என கேட்க தோணுதே?
மக்கள் நலனில் அக்கறையுள்ள அரசியல் அமையுமா
நல்ல அரசியல் தலைவர்கள் ஆட்சிக்கு வரவேண்டாமா
எழுபத்தோராவது சுதந்திரம் தினம் இதற்கு விடை காணுமா ?
ரா.பார்த்தசாரதி
கருத்துகள் இல்லை:
கருத்துரையிடுக