பெண்ணடிமை
தலையாட்டி பொம்மைகளா நினைக்கும் நிலைமையா ?
தாய்க்குலத்தின் வாய் பேசா வனிதையா ?
சாவி கொடுத்தால் சலங்கை ஒலி தாலமிடத்
தாவி ஓடும் பாவைகளா!
தன் ஆசைகளை, புதைத்து வைத்து வெளியிடமுடியாத ஊமை
பணம் இருந்தும், அதனை செலவு செய்ய முடியாத நிலைமை
திரைப்படங்களில் வரும் தேனிலவு ,
வானிலவுத் தேவதைகளா !
தொப்புள் கொடி அறுந்ததும் அப்பனுக்கு அடிமை,
தாலிக்கொடி யேறியதும் கணவனுக்கு அடிமை,
வேலைக்கு போன ஊழியத்தில் மேலதிரிகாரிக்கு அடிமை,
முதுமையடைந்ததும், பிள்ளைகளுக்கு அடிமை !
வாழ்க்கையில் உனக்கு இல்லாத பட்டமா !
விதவை, மலடி, உடன்கட்டை ஏறுடி,
வரதட்சணை வர்த்தகி !
வரதட்சணை கொடுக்காதவளை கண்டாலே காஸ் அடுப்பு வெடிக்கும்
தட்டிக் கேட்க யார் வந்தாலும் பணத்தினால் மூடி மறைக்கும்!
புகுந்த வீட்டில் மாமியாருக்கு அடிமை,
ஆணைப் பெற்றவளும் நீதான்
பெண்ணைப் பெற்றவளும் நீதான்
ஆயினும், வீடும்,நாடும் உனக்கு பொல்லாத சிறைதான் !
தலையாட்டம் நின்று, தலை நிமிர்ந்து
என்று வீதியை எதிர்க்கின்றாயோ
அன்றுதான் உனக்கு விடுதலை பெண்ணே !
ரா.பார்த்தசாரதி
.
கருத்துகள் இல்லை:
கருத்துரையிடுக