திங்கள், 28 ஜூன், 2021
Kadalmangalam Venugopalan
கடல்மங்கலம் வேணுகோபாலஸ்வாமி
குழலூதி கொள்ளைகொள்ளும் எங்கள் வேணுகோபாலா
எங்கள் உள்ளதை கொள்ளைகொள்ளும் வேணுகோபாலா !
காளிங்க நர்த்தனம் ஆடிடும் கோபாலா
கோவர்தனகிரியை குடையாக பிடித்த கோவிந்தா !
ஆநிரைகள் மெய்மறக்க குழலூதிய வேணுகோபாலா
வேணுகானம் இசைத்து ஆய்ச்சியரை மயக்கிய வேணுகோபாலா !
தாயாரை தரிசித்து, வேணுகோபாலனை தரிசிப்போம்
தரணியில் நோய் நொடியின்றி வளம்பெற யாசிப்போம் !
மனிதனை புனிதம் ஆக்குவது தெய்வ தரிசனம்
மனதில் சலனம் போக்குவதும் தெய்வ தரிசனம் !
வேண்டியதை வேண்டுவோர்க்கு அளிக்கும் வேணுகோபாலா
கடல்மங்கலத்தில், ருக்மணி,சத்யபாமாவாய் காட்சி தரும் வேணுகோபாலா !
ரா.பார்த்தசாரதி
த்ராத வினை எல்லாம் தீர்த்திடும் தெய்வம் !
வரும்துயர், பகையையும், போக்கிடும் தெய்வம்!
வாய்திறந்து, கேட்டாலே வழங்கிடும் தெய்வம் !
தாயாரை தரிசித்து வேங்கடவனை தரிசிப்போம் !
தரணியில் யாவரும் நலம்பெற யாசிப்போம் !
மனிதனை புனிதம் ஆக்குவது தெய்வ தரிசினம் !
மனதில் சலனம் போக்குவது தெய்வ தரிசினம் !
திருமலைவாசா என்று அழைத்தாலே குறை தீர்க்கும் தெய்வம் !
தினமும் நினைத்தாலே நல்வழி காட்டும் தெய்வம் !
கோவிந்தா, கோவிந்தா, என்றாலே பரவசம் !
கோவிந்தன் அருளும் கிடைத்திடுமே நம்வசம் !
என்றும், நினைப்போம், பணிவோம் அவன்தாள் !
எல்லார்க்கும், உகந்த தெய்வம், திருமலை தெய்வம் !
திங்கள், 21 ஜூன், 2021
Manja Niraatu vizha
மஞ்சள் நீராட்டு விழா
மஞ்சள் நீராட்டு, நன்மகளுக்கு ஓர் பாராட்டு
நட்டு வாய்த்த ரோஜா
இன்று மொட்டுவிட்டு சிரிக்குதம்மா
மஞ்சள் நீரில் குளித்து
ஒரு தங்கச்சிலை நனையுதம்மா
பட்டுசேலை கட்டி ஒரு
பட்டாம்பூச்சி பறக்குதம்மா
வானத்து நிலவே இன்று
வையகம் வந்ததம்மா 1
முத்தமிழே மூக்கனியே
எங்கள் குலத்து நாயகியே
நின்றா நீ ஒரு திருத்தேரே
நடந்தால் நீ காவிரியே
சிரித்தாள் முத்து உதிரும்
எங்கள் செல்வத் திருமகளே!
பொன்னிலே நிறமெடுத்தாய்
பூவாலே முகம் வடித்தாய்
வானவில் வண்ணத்தை நீ
அள்ளிவந்த தேவதையே !
பாவையருள் ஒரு பூவையராக
பூமியில் பிறப்பெ டுத்தாய் !
கம்பிர நடை கொண்ட நீ
கனகவல்லி தாயே !
மானுக்கு தோலழகு
மயிலுக்கு வாலழகு
குயிலுக்கு குரலழகு
கோமகளே நீ கொள்ளையழகு !
குலம் காக்க குலம் கொடுத்த
எங்கள் குலக் கொடையே !
பருவம் எய்தி பூப்பெய்தினாலே
அச்சிந்தியாவை வாழ்த்துவோம் அன்பாலே !
ரா.பார்த்தசாரதி
ஞாயிறு, 20 ஜூன், 2021
Father's day
தந்தையர் தின விழா
எந்தையும், தாயும் மகிழ்ந்து குலாவிய நாடு ,
அன்னையும், பிதாவும் முன்னெறி தெய்வம் என்ற நாடு ,
தாயை விட சிறந்த கோவில் இல்லை,
தந்தை சொல்மிக்க மந்திரம் இல்லை !
தாயிடம் அன்பும், தந்தையிடம் அறிவும்,
அவர்களால் கல்விமானாய் உலகில் திகழவும்,
பணம் ஒன்றினால் பாகுபடுத்த தெரிந்தவனாய்,
ஏன் பாசத்தை மட்டும் காட்ட தயங்குகின்றாய் !
அன்று அவர்கள் கொடுத்த முகவரிதான்,
இன்று உன்னை அடையாளம் காட்டுகின்றதே,
பழையதை மறந்து, புதியதில் என்றும் திளைக்காதே,
வந்த வழினையும், பாதையினையும் என்றும் மறக்காதே!
தந்தையே உன் பிறப்பிற்கு காரணம் ,
தந்தையே உன் அறிவிற்க்கு ஆதாரம்,
பணம் என்றும் எட்டிப் பார்க்கும்,
பாசம் என்றும் பக்கத்தில் நிற்கும் !
வாழ்கை முழதும் குடும்பத்தின் தூணாய் ,
உன் ஆண்மைக்கும், அறிவுக்கும் தூண்டுகோலாய்,
உலாவி வரும் தந்தையே இடிதாங்கி,
ஏன் எனில் நல்லது கெட்டதெல்லாம் அவர்மேலே!
தந்தைக்கும், தாய்க்கும் ஊன்று கோலாய் இருந்திடு ,
அவர்களே கண்கண்ட தெய்வமென நினைத்திடு,
தரணியில் என்றும் சிறந்து விளங்கிடு,
எல்லோர்க்கும் நல்லவனாய் என்றும் திகழ்ந்திடு !
ரா.பார்த்தசாரதி
சனி, 19 ஜூன், 2021
உலக யோகா தினம் ஜூன் 21ம் தேதி
ஆய கலைகள் அறுபது நான்கு கலையே
யோகாவும் இதனில் அடங்கும் கலையே
யோகிகளும், துறவிகளும் தொன்றுதொட்டு வளர்த்த கலையே
நமது நாட்டினில் தோன்றிய பழம் பெரும் கலையே !
உடலும்,மனதும் ஒன்று கூடி, உணர்ச்சிகளை அடக்கும்
மூச்சு பயிற்சியினால் பலவித நோய்கள் ஒடுங்கும்
யோகப் பயிற்சியும் , நடை பயிற்சியும் அனுதினம் செய்யுங்கள்,
அது இளமை என்னும் ரகசியம் தோன்றும் இடமாகும் !
யோகாசனங்களில் பல வகைகள் உண்டு
சில யோமற்றும் காசனங்களுக்கு மிகுந்த சிறப்புண்டு
சிறுவர் முதல், முதியோர்கள் வரை யோகா பழகலாம்
அனுதினம் இதனை கடைபிடித்தால் நோய்யின்றி வாழலாம் !
யோகா கலை நமது நாட்டில் தோன்றியதே
பழம் பெரும் கலையானாலும் ,எல்லோர்க்கும் உகந்ததே
கொரான மற்றும் பல நோய்கள் யோகாவினால் கட்டுப்படும்
இதன் அருமை, பெருமை அறியாத மனித வாழ்வே வீணாகும்
நோய்யற்ற வாழ்வே குறைவற்ற செல்வம்,
யோகாசனங்களை செய்து உடல் நலனை பேணுங்கள்
யோகாசனங்களின் நன்மையினை உலகிற்கு எடுத்துரையுங்கள்
உலக யோகா தினம் அறிவுறுத்தும் கருத்தென உணருங்கள் !
ரா.பார்த்தசாரதி
இதன் அருமை, பெருமை அறியாத மனித வாழ்வே வீணாகும்
நோய்யற்ற வாழ்வே குறைவற்ற செல்வம்,
யோகாசனங்களை செய்து உடல் நலனை பேணுங்கள்
யோகாசனங்களின் நன்மையினை உலகிற்கு எடுத்துரையுங்கள்
உலக யோகா தினம் அறிவுறுத்தும் கருத்தென உணருங்கள் !
ரா.பார்த்தசாரதி
நிச்சியதார்த்த வாழ்த்து மடல்
இடம்: ஸ்ரீ சாஸ்தா மினி ஹால்
அஸ்தினாபுரம்
குரோம்பேட் , சென்னை-600044 தேதி: 20 /06/2021
குரோம்பேட் அஸ்தினாபுரத்தில், ஸ்ரீ சாஸ்தா மினி மணடபத்தில்
திரு அபிநந்தனுக்கும், புவனாவுக்கும் நடந்திடும் நிச்சியதார்த மேடை!
ஸ்வர்கஸ்ரீ திருமதி வேதவல்லி,ஸ்வர்கஸ்ரீ ,திரு,சுதர்ஷனின்
தவப்புதலவனே !
நீயும், புவனாவும் ஆஸ்திரேலியாவில் வாழ்த்திடுவாய் சிறப்புடனே !
நிச்சியதார்தம் என்றாலே திருமண நாள் கூறிப்பதன்றோ !
திருமணம் என்பது இருமனம் அல்ல, அதுவே இருமனம் கொண்ட
ஒரு மனம் !
திருமதி ஒரு வெகுமதி என்றழைப்பது வழக்கம்
திருமதியின் பெயரோ புவனா என்றழைப்பது பழக்கம் !
காலங்களும், கோலங்களும் என்றும் மாறும் !
கணவன்நும் , மனைவி உறவே என்றும் நிலைத்து வாழும் !
மூன்றெழுத்துக்கு ஓர் சிறப்புண்டு !
முத்தமிழ் என்ற பெயரும் உண்டு !
ஆறெழுதில் (அபிநந்தன் ) என்றும் மூன்று அடங்கும்
புவனா என்ற பெயரும் விளங்கும் !
நிச்சியதார்தம் என்றாலே உற்றார் உறவினர் ஆசியே
அகிலத்தில் சிறந்தது தாய் தந்தையர் ஆசியே !
மனைவி அமைவதெல்லாம் கடவுள் கொடுத்த வரமே !
கணவன் பேரும், புகழும் அடைவதெல்லாம் அவள் வந்த நேரமே!
இது ஒரு கடவுள் அமைத்த மேடை, இணைக்கும் கல்யாணமாலை
இன்னாருக்கு, இன்னார் என்று எழுதி வைத்த கல்யாண மடலே !
காலத்திற்கு ஏற்ப உற்றார் உறவினர் ஒன்று கூடுவோம்
நிச்சியதார்தத்தில் மணமக்களை நல்மனதுடன் வாழ்த்துவோம் !
அன்பும் அறனும் உடைத்தாயின் இல்வாழ்க்கை
பண்பும் பயனும் அது . என்பது வள்ளுவன் வாக்கு !
ரா.பார்த்தசாரதி - 8148111951
வெள்ளி, 18 ஜூன், 2021
Thirumana thirnam
திருமண தினம்
பார்த்த நாள் முதல் நிச்சயமான திருமண வாழ்க்கை
வருடா வருடம் நாம் நினைத்து பார்க்கும் வரையிலும்,
அன்பு, பாசம், நட்பு என்பது ஒரு பிரிக்கமுடியாத
பிணைப்பாக்க இருக்கும் ஒரு காலமும் அழியாமல்.
ரா.பார்த்தசாரதி ( பாச்சு }
திங்கள், 7 ஜூன், 2021
ஓவியமா ! காவியமா!
ஓவியமா ! காவியமா!
ஒவியப்பெண்ணே ! உன்னையுமா
விட்டுவைக்கவில்லை இந்த உலகம் !
காதலுக்காக ஒப்பிடும் பெண்ணே
நீ நிலவா, காவியமா !
கண் வரைந்த ஓவியமா !
ஓவியத்தில் கூட ஒளிவுமறைவும்
இலைமறைவாய், காய்மறைவாய்
காட்டிடும் மேனியாக,
வேண்டாமென்றது * ஒட்டுத்துணி * !
கலைக்காகத்தானே கலைதெறியப்படுகிறது
கண்ணியமான ஆடை !
இறைவன் கொடுத்த அற்புத பெண்ணழகு
ஆதாம், ஏவாளின், அந்தக்கால நிஜமாய்
கலைகளுக்காக களவாளப்படுகிறது
சிலையும், பெண்ணின் கற்பும், மானமும்
காற்றில் பறக்கவிடப்படுதே !
ரா.பார்த்தசாரதி
ஞாயிறு, 6 ஜூன், 2021
வருவது வரட்டும்
வருவது வரட்டும்
வானத்திற்கு கீழ் வீட்டை கட்டிவிட்டு
வான்மழைக்கும் வீசும் புயலுக்கும்
வரும் துன்பதிற்கும், வாட்டும் வேதனைக்கும்
வருந்துவதா? வாடுவதா ? மனம் விவாதிக்கிறது !
பலரின் வார்த்தைகள் என்றும் ஆறுதலிக்கும்
ஆறுதல் அளித்தலும், அவஸ்த்தையோடு மனம்
அவதிப்படும்போது, துயரம் கொள்ளாதபோது
மனமே கலங்காதே !துணிந்தபின் துயரமடையதே !
வாழ்க்கை வலியுடையது, வலையும்போது,
நிமிர்ந்தாலும், வளைந்தாலும் ஒருவித வலியாகும்
வேதனையாக்குவதும், மனம்தான், பின் அதுவே
வசந்தமாகுவதும், மனதின் வேலையும் அதுவே !
கருவறையில் இருந்தவரை நமக்கு கவலையில்லை
கணவாயுக்களியிலை எந்த துன்பம்மில்லை
கண்விழிக்கத் தெரிந்தவுடன் நமக்கு கவலையும்
கனவும், பயமும் , நமக்கு தோன்றாமலில்லை!
வலிவுடைய வாழ்க்கையை வலிதாக்கு
மனவலிமையுடன் அதனை எதிர்நோக்குதுடன்
தைரியத்துடன் வரவழைத்து அதை எதிர்நோக்கு
வானத்தின் கீழ் வாழ வந்தோம், வருவது வரட்டும் !
ரா.பார்த்தசாரதி
இதற்கு குழுசேர்:
இடுகைகள் (Atom)