ஒரு பேருந்தின் கதறல்
மூலை முடுக்கெல்லாம் ஏற்றிச் செல்கின்றேன்
ஏழைக்கும், நடுத்தர வர்க்கத்திற்கும் சிறந்த வாகனம்
ஓய்வின்றி எந்நாளும் உங்களுக்கு உதவுகிறேன்
மாணவர்களை , இலவசமாக ஏற்றிச்செல்கின்றேன்!
நான் சுமக்கும்போது ஜாதி மதம் பார்ப்பதில்லை
தடவழி பலகையும், திருக்குறளையும் சுமக்கின்றேன்
நடத்துனரும், ஓட்டுனரும் என்னை ஆளுபவர்களே
இடை இடையே ஏறி இறங்கும் பயணிகளும் நண்பர்களே !
என் அருமையும், சிறப்பும், பொது மக்களுக்கு தெரிவதில்லை ,
பொதுநல போராட்டத்திற்கும்,மொழி போராட்டத்திலும்
உங்கள் நண்பன் என்று நான் கூறிக் கொண்டாலும்
கோபம் கொண்டு, உடைக்கவும்,தீயும் வைக்கிறார்கள் !
உங்கள் சொத்தினை நீங்களே அழிக்கலாமா
நான் கதறினாலும், கண்டுகொள்ளாமல் இருக்கலாமா.
என்னை உங்கள் நண்பனாய் கருதுங்கள்
நான் உங்கள் நாட்டின் சொத்தாக நினையுங்கள் !
ரா.பார்த்தசாரதி
கருத்துகள் இல்லை:
கருத்துரையிடுக