மன்மத ஆண்டே வருக 2015
கதிரவன் குணதிசையில் பன்முகமாய் உதித்தான் ,
புலரும் மன்மத ஆண்டை புதிதாய் உருவமெடுதான்,
தமிழ் வருடங்கள் அறுபது என சொல்வோம்
அழகிய மன்மத வருடம் உதித்ததே என கூறுவோம்
பூமியெங்கும் அமைதியே ஆட்சியாக அமையாத புத்தாண்டே ,
மண்ணில் விழும் மழைத்துளியும், விண்ணில் வீசும் காற்றும்
யாவருக்கும் பொதுதானே தமிழ் புத்தாண்டே !
நதியால் இணைந்த மாநில மக்கள்
அவலம் அழிந்து போகாதோ புத்தாண்டே !
கடல் கடந்து தொழில் செய்தாலும், கைது செய்தாலும்,
பிறர் நம் பொருளை கைப்பற்றினாலும், யாருக்கு இழிவு,
எவர் ஆட்சி செய்யவரினும் நல்ல தீர்மானத்துடனே,
மக்களுக்கு நல்லதை செய்ய வேண்டும் தமிழ் புத்தாண்டே !
சுயநலங்கள், சூழ்ச்சிகள் சுவடு தெரியாமல்
அவனியில் அழிந்து போகாதோ புத்தாண்டே !
ஜாதிப் பிரிவினைகள் மாறி என்றும்
வேற்றுமையில் ஒற்றுமை ஒங்காதோ புத்தாண்டே !
நாட்டுக்கு நாடு, மாநிலத்திற்கு,மாநிலம் சமாதனம் மட்டும் ,
தானமாய் கிடைக்காதோ புத்தாண்டே !
ஆட்சியும் அதிகாரமும் ஏழையின்
ஏக்கத்தை தீர்காதோ புத்தாண்டே !
பூமியெங்கும் அமைதி மட்டும்
ஆட்சி புரியாதோ புத்தாண்டே
ரா.பார்த்தசாரதி
.
கருத்துகள் இல்லை:
கருத்துரையிடுக