தலையாட்டும் நாட்டிய பொம்மை
நாடகமே உலகம், ஆடுவதோ ஓர் பொம்மலாட்டம்
உடம்பின் பல பாகங்கள் அசைந்தாடும் தோற்றம்
அழகாக தலையசைத்து ஆடும், மனதில் மகிழ்வூட்டும்
தொட்டுவிட்டால் தானே ஆடி அபிநயம் காட்டிடும் !
இன்றைய அரசியல் வாதிகளோ தலையாட்டும் பொம்மைகள்
தன்னாட்சி கவிழாமல் இருக்க, மேலிடத்து அடிமை பொம்மைகள்
கொடுமைகள் புரிந்துவிட்டு பூசி,மழுப்பி நிற்கும் ஊமைகள்
ஜனங்களை ஆட்டுமந்தையென நினைத்து செய்யும் கொடுமைகள்
தன் பதவி நிலைக்க தன்மானத்தை அடகு வைக்கும் கூட்டம்
மக்கள் நலனை துன்பத்தையும் கண்டும் காணாத ஆட்சிக் கூட்டம் !
பணத்தை சுரண்டி அதனை மறைக்க, எடுபிடி செய்யும் கூட்டம்
மக்கள் குறைகளை தீர்ப்பதுபோல், பொய்ப்பிரச்சாரக் கூட்டம் !
பணத்திற்காக வோட்டு போட்டு மண்டியிடும் ஒரு கூட்டம்
அக்ஷிய பாத்திரத்தை கொடுத்து பிச்சை எடுக்கும் கூட்டம்
கருத்துகள் இல்லை:
கருத்துரையிடுக