தோற்றம் :24-07-1953 ரா. குமார் மறைவு: 25-02-2017
காவியாஞ்சலி மனிதன் பிறந்தவுடன் அழுது அன்னையை அழைக்கின்றான்
மனிதன் இறந்தவுடன் உற்றார், உறவினரை அழ வைக்கின்றான் !
தன் பின்னால் வந்ததாலே தம்பி ஆனாய்
தம்பி என்றாலே தன் கைகொடுத்து உதவும் தகமையாளன்.
தன்னலங்கருதாது பிறர்க்கு உதவி செய்தாய்
அன்பிற்கும், பாசத்திற்கும் பாலமாய் இருந்தாய் !
அன்பு தம்பியே, செங்கையில் பிறந்து சென்னையில் மறைந்தாய்
இவ்வுலகில் உறவிற்கும், நட்பிற்கும் உதாரணமாய் திகழ்ந்தாய் !
பள்ளியிலும், கல்லூரியிலும் முதன்மையாய் விளங்கினாய்
படித்த பள்ளிக்கு நன்கொடை வழங்க ஏற்பாடும் செய்தாய் !
நேரம் பாராமல் உழைக்கத் துணிந்தாய் !
ஓய்வுஎடுக்காமல் உன் உடல்நலத்தை மறந்தாய் !
வையத்துள் வாழ்வாங்கு வாழ்ந்த குமார் எனும் ஆடவனே
எல்லோர் நெஞ்சத்திலும் நிலையாய் நின்றவனே !
நல்மனம் கொண்டு நற்செயல் பல புரிந்தாய்
இறந்த பின்னும் இரவா புகழ் அடைந்தாய் !
உன்னைப் பற்றி உனக்கே தெரியாது
உன் அருமை,பெருமை எம்மக்கே தெரியும் !
கோபமாக பேசினாலும்,குணத்தில் குன்றாய் விளங்கினாய்
கிராமத்து மக்கள் கும்பிடும் தெய்வமானாய் !
பக்தியின் மேன்மையை அகத்தே என்றும் கொண்டாய்
பரமனின் திருவடியை விரைந்தே அடைந்தாய் !
நீ செய்யும் பூஜைகளையும்,சேவைகளையும் இனி காணமுடியுமா
இறைவனே உன் சேவை கண்டு தன்னிடம் அழைத்துக்கொண்டானா!
கடினமாய் உழைத்தகணவன் எங்கே என,
நினைத்து ஏங்கும் கீதாவை எங்ஙனம் தேற்றுவோம் !
இருந்தபோது மனிதனை யாரும் புகழ்வதில்லை
இறந்தபின் யாரும் புகழாமல் இருப்பதில்லை!
நெருநல் உளன் ஒருவன் இன்றில்லை எனும்
பெருமை உடைத்திவ் வுலகு . என்பது வள்ளுவன் வாக்கு
ரா.பார்த்தசாரதி
கருத்துகள் இல்லை:
கருத்துரையிடுக