சதாபிஷேக வாழ்த்து மடல்
இடம்: பாலக்காடு இன்று திரு.லக்ஷ்மிநாராயணன், அவர்களின் சதாபிஷேக விழா ! திருமதி ராஜேஸ்வரியும், திரு. லக்ஷ்மிநாராயணனும் ஆயிரம் பௌர்ணமி கண்ட தம்பதிகள்! சதாபிஷேகம் என்பது தம்பதியர் வாழ்க்கையில் சிறப்புடையதன்றோ, இதனை தலைமையேற்று நடத்தும் மகனும்,மகள்களும் பெருமைக் குரியவர்களன்றோ! சதாபிஷேகம் என்றாலே, மூத்தவர்களிடம் ஆசி பெறுவதே ! மகன்களும்,மகள்களும், பேரன்,கொள்ளு பேரன்களுக்கும் ஆசீர்வாதம் அளிப்பதே ! உற்றார் உறவினர் வாழ்த்தும், ஆசியும் நிறைந்ததாகும்! அகிலத்தில் சிறந்தது தாய் தந்தையர் ஆசியே சிறந்ததாகும் ! காலமும், கோலங்களும், என்றும் மாறும் கணவன், மனைவி உறவே என்றும் நிலைத்து வாழும் ! ஆயிரம் கைகள் கொண்டு ஆதவனை மறைக்க முடியுமா ஆயிரம் உறவுகள் இருந்தாலும், மனைவி கணவனை மறக்கமுடியுமா ! கணவன் என்றாலே (கண் + அவன்) என்பதாகும், அவன் வழியே உலகை காண்பவள் மனைவியாகும் ! கண்ணின் அருகே இமை இருந்தாலும், கண்ணைவிட்டு பிரிவதில்லை ! மனைவி, கண்ணின் இமையென, கணவனை விட்டு பிரிவதில்லை! திருமதி ஒரு வெகுமதி, என்று அழைப்பது பழக்கம் திருமதியின் பெயரோ ராஜேஸ்வரி என்றழைப்பது வழக்கம் ! இறைவருளுடன் தம்பதியர்கள் வளம் பெற்று, குலம் தழைத்தோங்கட்டும்! பெரியவர்கள் ஆசி அளித்தும், சிறியவர்கள் ஆசியும் பெற்று மகிழட்டும் ! அன்பும், அறனும் உடைத்தாயின் இல்வாழ்க்கை பண்பும், பயனும் அது. என்பது வள்ளுவன் வாக்கு ! உற்றார் , உறவினரும், இனிதே விருந்துண்டு மகிழ்ந்தனரே நன்மனம் கொண்டு வாழ்த்தி,தாம்பூலத்துடன் விடைபெற்றனரே ! ஸஹஸ்ர சந்த்ர தர்சனம் கண்டு சதாபிஷேக சாந்தி செய்து கொண்ட ப்ரம்ஹ ஞான லக்ஷ்யவாதிகளுக்கு அனந்த கோடி நமஸ்காரங்கள். ======= இப்படிக்கு பிரேமா கண்ணன் | |||||||||||
Show details
|
கருத்துகள் இல்லை:
கருத்துரையிடுக